مستحيل اخليها تقعد جو بيتي

قام وقف وقال ما تحترم نفسك يا رامي علشان مقلبش عليك بجد 
رامي قام وقف وقال بإستغراب إيه يعم هي مين دي علشان تتحمق عليها أوي كدة 
عيسي بعصبية تبقي م
زينة قالت بسرعة بنت عمو أنا بنت رضوان 
ريهام بصتلهم بشك وقالت وهو مالو متعصب كدة ليه لما رامي عاكسك
زينة ببرود معلش أصل لقي نفسو فاضي ف قال يغير عليا شوية
نيهال بإبتسامة متوترة أقعدو يا جم١عة مالكم كلكم وقفتو كدة ليه
عيسي قعد وشد زينة من إيديها وقعدها جمبو وهو بيبص علي رامي پغضب اللي بيبص علي زينة بإعجاب وزينة باصة في الأرض من الإحراج 

قام عيسي وقف وقال عن إذنكم هعمل حاجة وجاي 
سابهم وطلع أوضته قالت ريهام بتوتر عن إذنكم.. ه..هروح الحمام وأجي 
قامت طلعت جري زينة بصتلها بشك بس سكتت 
عيسي كان طلع أخد شاور وكان هيقعد علي اللاب شوية وينزلهم
طلع من الحمام وهو لابس بنطلون بس وبينشف شعره 
أول ما شال الفوطة من علي شعره لقي ريهام قاعده علي السرير بأريحية وبتهز في رجليها 
عيسي بزعيق إنتي بتعملي إيه هنا
ريهام قامت بلهفة وقالت عيسي وحشتني أوي يا عيسي إنت عارف من إمتي مشوفتكش 
عيسي بعد لورا وقال بزعيق إطلعي برا يا ريهام 
قبل ما عيسي يبعدها عنو الباب هيتفتح وهيدخل شخص الأوضة 
ريهام بعدت وقال عيسي پصدمة ز..زينة! 
يتبع..
ريهام بعدت وقال عيسيي پصدمة ز.. زينة!
ريهام بتوتر م..إحم هو..يعني..
قاطعتها زينة بإبتسامة مستفزة طب طنط سهير ي حبيبتي عايزاكي تحت في أوضة الصالون 
ريهام بصتلها بتوتر وطلعت 
زينة بصت لعيسي بقرف ودموع ونزلت وهو كان عمال ينادي عليها
أول ما طلعت من الأوضة ورزعت الباب جامد 
قعد علي السرير بضيق وقال بدأت تتقفل من كل حتة 
قام لبس تيشيرت ونزلهم تحت بس قبل ما يدخل سمع سهير بتقول لا دا إحنا كدة
نجوز زينة لرامي بقا
دخل بسرعة قبل ما يردو وقال
إحم ما تيجو نقعد في الجنينة شوية 
نيهال قامت وقفت وقالت لأ إحنا نروح نتغدا
طلعو كلهم وراحو قعدو علي السفرة 
كان عيسي قاعد علي راس الترابيزة وجمبو من ناحية نيهال وكانت ريهام رايحة تقعد الناحية التانية بس سبقتها زينة وقعدت ببرود وسهير جمب نيهال ورامي قعد جمب ريهام اللي قعدت جمب زينة پغضب 
كانو بياكلو بهدوء وعيسي بيبص علي زينة بطرف عينه 
قامت زينة وقالت شبعت عن إذنكم
نيهال بإستغراب إنتي مأكلتيش يحبيبتي علشان تشبعي!
زينة بإبتسامة معلش يا مرات عمي مليش نفس 
زينة طلعت من الأوضة وقعدت في المطبخ علي الترابيزة وحست إنها محتاجة ټعيط 
سندت راسها علي الترابيزة وفضلت ټعيط 
حست بإيد حد علي كتفها رفعت راسها لاقته رامي 
رامي بإبتسامة ممكن أقعد 
مسحت دموعها وقالت إتفضل
قعد وقال بإبتسامة بټعيطي ليه بس 
زينة بإبتسامة مفيش حاجة كلو تمام 
رامي بمشاكسة طب بزمتك لما إنتي ټعيطي كدة مين هينورلنا الدنيا فيه زينة ټعيط كدة دا إنتي زينة البيت والمكان والحتة كلها 
زينة ضحكت وقالت كلهم معني واحد علي فكرة 
رامي بمرح مش مهم يستي المهم إن إنتي زينة البنات كلهم وفعلا مكدبتش 
ضحكت بصوت عالي وقالت بكاش أوي 
كان عيسي قاعد متضايق من ريهام وتصرفاتها اللي بتحاول تقرب منو بكل الطرق سمع صوت ضحك زينة 
قام من مكانو ومشي بإتجاه الصوت لقي رامي قاعد وبيخبط كف إيده مع كف إيد زينة وبيضحكو 
دخل المطبخ وقال ببرود ما تضحكوني معاكم أصل بقالي زمن مضحكتش 
زينة بضحك رامي دا فظيع دمو خفيف خالص وبيضحكني أوي 
عيسي بتريقة والله طب قوليلي كدة بيقول إيه 
زينة بإبتسامة مينفعش أصل دا سر ما بينا مش صح يا رامي 
رامي بهيام ونسي إن عيسي واقف صح يا قلب رامي 
زينة وطت راسها وإبتسمت وعيسي قال وحياة أمك!
دخلت سهير وقالت يلا يا رامي علشان هنروح 
زينة بإبتسامة ليه يا طنط أنا حبيتكم أوي ما تقعدو شوية 
رامي بصلها وقال الجيات كتير هتلقيني هنا دايما 
عيسي نفخ بضيق وقال نورتونا يا جم١عة 
قربت منو ريهام وقالت مش هتسلم عليا يا عيسي 
عيسي ببرود نورتي يا ريهام 
ريهام بهمس عقبال ما أكون مراتك ومنورالك بيتك يا نور حياتي 
بصلها ببرود وهي طلعت مع رامي وسهير
عيسي بص لزينة اللي قاعدة بتشرب شاي بالنعناع ببرود وقال مش كفاية طفح شاي بالنعناع هتطلعي زرعة في دماغك 
بصتلو ببرود وقالت خليك في حالك إنت وريهام وميخصكش 
عيسي بتحذير أنا جوزك متتكلميش معايا كدة 
زينة بتحذير مصتنع قدامهم بنت عمك ف ميخصكش برضوا
عيسي بزعيق زينة انا لو شوفتك قاعدة مع رامي دا تاني هزعلك 
زينة وقفت وقالت بعصبية وحلو لما كانت ريهام في حضنك
فوق في أوضتك!
نيهال قالت پصدمة في حضنه!
عيسي لف وبص علي نيهال اللي واقفة مصډومة 
حط إيده علي وشه وقال لزينة صلحي بقا اللي هببتيه 
زينة بإنفعال لأ ريهام لما قالت هطلع الحمام طلعت لعيسي وحضنتو دخلت الأوضة لاقتها حاضناه وبتقولو بحبك يا عيسي مش مقدر إن مراتو أصلا وجاي دلوقتي بتقولي متقعديش مع رامي طول ما إنت مش مقدرني عمري ما هقدرك 
عيسي بعصبية وإنتي مالك إنتي هو إنتي هتعملي نفسك مراتي بجد ولا إيه إنتي نسيتي نفسك 
زينة بإبتسامة ألم لأ منستش نفسي يا.. يا إبن عمي
سابتهم وطلعت الأوضة ولمت هدومها في الشنطة ونزلت بيها 
قابلتها نيهال وقالت رايحة فين يا زينة إنتي مش هتمشي من هنا
زينة بعياط لأ همشي يا مرات عمي
هيسيبها ويطلع ويقفل الباب عليها بالمفتاح
وهيقول لتهاني ونيهال ملهاش طلوع برا الأوضة أكلها يروحلها وهي قاعدة مكانها هنا ولو عرفت إنها إتحركت من مكانها بس وطلعت من عتبة باب الأوضة 
نيهال هات يا حبيبي المفتاح ربنا يهديك
عيسي بجمود لأ قولت ولو علي الأكل اللي هيدخلها هدخلو أنا ليها أنا قاعدلكم هنا 
سابهم ودخل أوضته
زينة كانت بتسمع كلامه وقالت عمري ما هخليك تتحكم فيا بإسلوبك دا ومش هسيبك تمشيني علي مزاجك
بعد ساعتين 
عيسي مسك الأكل ودخل الأوضة بتاعتها لقاها نايمه علي الأرض وراسها مسندوة علي السرير 
ساب الصينية علي الترابيزة وقرب منها لقي فيه علبة برشام مرمية جمبها علي الأرض ونصها مرمي علي الأرض 
قعد جمبها وفضل يخبط علي خدها وهو بيقول زينة.. زينة إصحي بلاش شغل العيال دا 
قاس نبضها لقاه ضعيف جدا 
شالها ونزل جري من الفيلا ووصل المستشفي 
نده علي الممرضين بزعيق حد يجيلي هنا ھتموت منيي 
قربو منو وحطوها علي ترولي ودخلو بيها طوارئ 
وهو فضل واقف برا متوتر وخاېف 
فونه رن رد وقال إيه يا أمي 
نيهال بقلق كنت شايل زينة وبتجري بيها ليه يا عيسي عملت في البت إيه
عيسي بأعصاب سايبة مش عارف معملتش حاجة والله دخلت عليها لاقتها قاطعة النفس بنتالجزمة بلعت نص علبة البرشام
نيهال پصدمة برشام إيه دا 
عيسي بإرهاق معرفش يا أمي معرفش لو هتيجي المستشفي إسمها 
قفلت معاه نيهال ولبست وراحتلو المستشفي
أول ما قربت عليه قال عيسي بتعب أرجوكي وفري أي كلام ل بعدين أنا مش قادر دلوقتي 
سكتت بس بصتلو بعتاب 
وطلع الدكتور وقال
بحزن
يتبع..
طلع الدكتور وقال بحزن حالة ټسمم لإنها أخدت كمية برشام غلط بس إحنا عملنالها غسيل معدة 
نيهال بلهفة طب وهي
فاقت هي كويسة
الدكتور بإبتسامة هي بس عندها إلتهاب بسيط بسبب البرشام اللي أخدتو بس مع الأدوية هيروح هي أه فاقت وتقدرو تدخلو تشوفوها 
دخلت نيهال ليها بلهفة وقلق وقالت ليه كدة يا زينة ليه يا حبيبتي بتعملي كدة 
زينة كانت قاعدة وساندة ضهرها وبتعيط وأول ما دخلت نيهال إترمت في حضنها وفضلت ټعيط 
دخل عيسي بقلق بس مغطيه ببرود وقال عايزة ټموتي نفسك ليه يا حرمي المصون!
إستخبت في حضڼ نيهال أكتر وفضلت ټعيط أكتر 
بص لأمو وهز راسه نيهال فهمت وطلعت من الأوضة بس قبل ما تطلع قربت منو وقالت بهمس أقسم بالله لو عملت حاجة لهخليك تدخل قسم جراحات خطيره!
طلعت نيهال وقرب قعد جمب زينة وقال زينة أنا قولتلك أنا مبحبش العند وإنتي عندية جدا ولما أقولك متقعديش مع رامي يبقا متقعديش معاه
زينة بعياط مش هسمحلك تمحيلي شخصيتي أو تتحكم فيا فيه حاجة إسمها التفاهم إنما متعملش فيا كدة إنت واخدني ضحېة لذنب أنا مليش يد فيه وأنا زهقت وتعبت
عيسي بهدوء الحل إننا نتفاهم فعلا 
زينة بهدوء عيسي من فضلك أنا مش عايزة أتعامل معاك تاني 
عيسي بصلها پصدمة وقال وبتقوليها في وشي كدة عادي!
زينة بجمود أه بعد إذنك مش عايزه أتعامل معاك تاني ولا تكلمني تاني ينفع إعتبرني هوا في البيت وأنا علي قد ما أقدر هبقي في الأوضة مطلعش مش هخليك تشوف خلقتي كتير تمام 
عيسي قام وقف وقال ببرود براحتك 
سابها وطلع من الأوضة ودخلت نيهال وقالت يلا يا حبيبتي علشان هنروح 
قامت زينة معاها وطلعت من الأوضة لقت عيسي واقف وبيبصلها ببرود
تجاهلت نظراتو وطلعت مع نيهال 
بعد شوية كانو وصلو البيت نيهال طلعت مع زينة وتهاني عملتلها أكل 
زينة أكلت بعد إلحاح كبير من نيهال علشان تاكل وأخدت العلاج ونامت..
نزلت نيهال لعيسي اللي كان قاعد علي الكرسي وحاطت رجل علي رجل 
نيهال بهدوء أعرف إنت قولتلها إيه 
عيسي ببرود مقولتش هي مش عايزه تتعامل معايا تاني ووفرت والله 
نيهال بعصبية ما تبطل برودك دا وإيه وفرت دي ! دي بنت عمك ومراتك يا اللي خليتها مراتك بالعافية وفي الأخر تقول وفرت
عيسي بعصبية خفيفة عايزاني أعمل إيه يعني اللي عندي قولتو
نيهال بعصبية أنا بجد مشوفتش في برودك فعلا إنت واخد طبع أبوك في البرود نسخة من علام معايا في نفس البيت
عيسي بإبتسامة باردة دا شئ يشرفني إن زي أبويا والله 
بصتله نيهال بغيظ وطلعت
في بيت سهير 
ريهام بصوت همس مليان سعادة حضنتو النهاردة أنا مش مصدقة نفسي بجد يا تقي
تقي بضحك طب إهدي يا بنت المجانين وبعدين مينفعش إنتي عارفة إنو مش بيحبك 
ريهام بثقة هييجي يوم ويحبني فيه أنا واثقة 
تقي بتوتر أ..ريهام ه..هو فين
رامي 
ريهام بخبث ليه يا تقي
تقي بتوتر ع..عادي بسأل أصلو مناكفش فيكي زي كل مره
ريهام بخبث أصله فيه واحدة شاغله عقله 
تقي بعصبية نعم مين دي اللي شاغلة عقله
ريهام ببرود زينة بنت عم عيسي
تقي بدموع بتهزري! هو حبها 
ريهام لما حست إنها هتعيط قالت لأ لأ بهزر معاكي إنتي عارفة رامي بيحب يناكش في أي حد يعني 
تقي بتنهيدة إمتي يحس إن بحبو بقا إمتي
ريهام بنعاس طب يلا من هنا بقا سلام علشان هنام وإحلمي إنتي ب سي رامي بتاعك دا وأنا هحلم ب عيسي 
تقي بضحك تمام يختي سلام
قفلت ريهام مع تقي وكل واحدة بتفكر في حبيبها 
صباح تاني يوم 
تهاني طلعت خبطت علي أوضة عيسي 
عيسي فتح وهو بيفرك عينه من أثر النوم 
تهاني بإحترام نيهال هانم بتقولك إن فيه واحد صاحبك تحت عايزك
هز راسه وهي مشيت وهو قفل الباب دخل أخد شاور وطلع
من الأوضة 
وهو بيقفل باب الأوضة باب أوضة زينة إتفتح وكانت ناوية علي
النزول بس أول ما شافتو بصتلو ببرود

ودخلت وقفلت الباب تاني 
ضحك ونزل