صاحب جوزي

وحشتيني ياماما
كوثر 
قوليلي عمتك ناهد وتيتة كانو بيعاملوكي حلو ولا كانو بيضربوكي
ليلى 
لا طبعا مش بيضربوني دي عمتو بتحبني اوي وتيتة كمان ومش بيزعلوني خالص 
ورجع عماد من الشغل وفرح بوجودي في البيت 
وعزم رؤوف عندنا بمناسبة رجوعي البيت
رؤوف 
حمد الله على السلامة يا كوثر نورتي بيتك
كوثر 
تسلم يا رؤوف ده من زوقك والله
رؤوف 
اسمع ياعماد متزعلش مرات تاني ياعم انت فاهم ولا لا مراتك دي جوهرة حافظ عليها
عماد 
دي كوثر دي ست الكل وست البيت وانا عمري ماهزعلها تاني الله امال ليلى فين
كوثر 
جوه في اوضتها نادي عليها تقعد معاكم 
ولقيت ناهد طلعت عندي واول رؤوف ماشافها قالها
رؤوف 
ازيك يا انسة ناهد عامله ايه يارب تكوني بخير
ناهد بعدم اهتمام 
الحمد لله انا كويسه شكرا ليك هي ليلى فين ياعماد
عماد 
جوه ياناهد ادخلي عندها
رؤوف 
ليه ياعماد ماتخلي الانسة ناهد قاعده معانا هو انا غريب ولا ايه وساعتها معرفش ليه حسيت اني غيرت من ناهد اوي عشان شوفت رؤوف ملهوف عليها
كوثر
ادخلي ياناهد عند ليلى ادخلي ياحبيبتي وبصيت عليه لقيته عينة متشلتش من عليها
عماد
انا هاقوم عشان احضر الشنطة عشان مسافر الصبح بدري البيت بيتك يارؤوف
ودخل عماد وانا قولت لرؤوف
مالك يارؤوف ومال ناهد
رؤوف
مالي يا كوثر انا عملت ايه بس
كوثر
ليه ياحبيبي هو انت مشوفتش شكلك اول ماناهد طلعت هنا ده انت كنت هتاكلها بعنيك
رؤوف
ههههه ايه الكلام ده بس ياقمر وبعدين انا هبصلها وانت قدامي هو انا ليا غيرك برضو ياجميل ده بس بعمل الشويتين دول قدام اخوها علشان مش يشك فيا من ناحيتك
كوثر
عبيطه انا علشان اصدق الكلام ده بقولك اي أنت عارف كويس اوي ان هو عمره مي هيشك فينا
رؤوف 
بقولك اي مش وقته خالص الكلام ده خلي بعدين وفي اوضه ليلي ناهد دخلت
ناهد
ايه يا لولا هو انتي مش هتخرجي تسلمي على عمو رؤوف صاحب بابا
ليلى
لا مش عايزة اخرج بره هو ليه بابا بيحب الراجل ده اوي كده ياعمتو
ناهد
عشان رؤوف وبابا صحاب من قبل ماتتولدي يا لولا فطبيعي بابا يحبه زي اخوه وكده
ليلى
بس انا مش بحبه خالص ومش بحب يجي عندنا هنا
ناهد 
ليه بقا يا ليلي هو عمو رؤوف ضايقك او عملك حاجه
ليلى پخوف 
ها لا لا لا مش ضايقني ولا حاجة خالص انا مش هقول اي حاجه
ناهد 
اخدتها في وقالت خلاص ياحبيبتي اهدي 
مالك يا بنتي بس وبعدها دخلت كوثر
كوثر 
اي ده فيه مالها ليلي
ناهد 
ملهاش بس حاولي تخدي بالك من بنتك شويه
يا كوثر وبعدها خرجت من الاوضه
وسافر عماد اسكندرية
وفضلت انا

ودخل شقه حماتي وقالها
رؤوف
ازيك ياخالتي ام عماد لو عايزين اي حاجة اطلبيها مني علطول انا تحت أمركم انتي والانسة ناهد
ام عماد
متشكرين يارؤوف يابني والله عماد لو كان ليه اخ مكنش هيبقا زيك كده وفي جدعنتك دي
رؤوف
يا خالتي ام عماد انتي متعرفيش انا بحب عماد اد ايه ربنا اللي يعلم والله غلاوته في قلبي
ام عماد
ربنا يخليكم لبعض يارب يارؤوف
رؤوف
بصي ياخالتي ام عماد بصراحة انا كنت جايلك النهارده عشان موضوع كده هو انا عارف اني لازم اتكلم الأول مع راجل البيت بس انا بقول انت ست الكل هنا وبرضو اشوف رايك فيا ايه
ام عماد
رؤوف خير ياعماد يابني اؤمرني
رؤوف
الأمر لله وحده بصراحة انا جيالك وطالب ايد الانسة ناهد بصراحة مش هلاقي في ادبها ولا اخلاقها مشاء الله عليها تربية عالية ربنا يحفظها يارب
ام عماد
بس انت عارف ياعماد موضوع زي ده لازم تكلم اخوها الكبير فيه
رؤوف
طبعا ياحجة منا مستني عماد يرجع بالسلامة ان شاء الله واطلب ايديها منه رسمي بس انا عايزك تاخدي رايها وتديني كلمة لحد