روايه سيلا الجديده
تعبان اوي ربنا يستر المشكلة مفيش على لسانه غير جنى وطبعا جنى متعرفش حاجة وباباكي مش عايز يقولها وأنا خاېفة ..نهضت ربى من مكانها
عمو صهيب تعبان يعني انتوا مش رايحين سياحة له..وضعت غزل كفيها على فمها
اسكتي مش عايزة حد يسمع عز مايعرفش كمان ولا حتى ابوكي كان يعرف لولا نهى قالتلي..ربتت على كتفها قائلة
هنزل أشوف عز قبل مايسافر
رفعت غزل حاجبها ساخرة
يامحنو ياختي يامحنو طب ماكان من الأول ليه عاملة فيها الكونتسة عزيزة
خرجت غزل متجهة لغرفة ياسمينا ..طرقت على بابها ودلفت للداخل
رفعت بصرها لياسمينا
حمدالله على السلامة حبيبتي..نورتي بيتك ...ابتسمت ياسمينا
بنورك ياطنط..طبعت قبلة على جبين طفلتها
مسك عاملة ايه وأخبار تيتا ايه
اجابتها ياسمينا
كويسة بتسلم على حضرتك وان شاءالله ينزلوا مصر قريبا
أوس هيوصل على بالليل إن شاءالله عايزة منك طلب يبقى خديه هو روبي وزوروا جاسر وجنى بلاش تحسسوهم أنهم منبوذين من العيلة انا زرتها كام مرة بعد ماسقطت
اومأت ياسمينا بحزن قائلة
زعلت اوي على اللي حصل لجنى إن شاءالله ربنا يعوضها أنا كنت هروحلها والله بس قولت لما يجي أوس لكن محرجة برضو هي بقالها فترة
لا متأخرتيش ولا حاجة كل الحكاية شهر مش كتير يعني ربنا يهديلهم الحال ..استدارت وهي تبتسم لحفيدتها ثم توقفت لدى الباب
ياسمينا..روبي امانتك لحد ماأرجع انا عارفة إنك اد المسؤلية بس خلي بالك أكتر علشان نفسيتها مش حلوة وياريت تقنعيها تروح تقعد فترة مع اخوها على الأقل تخرج من حالتها دي
حاضر هقنعها متقلقيش ..
تسلميلي يابنتي..قالتها واستدارت للأسفل متجهة لمكتب جواد الذي يتحدث بهاتفه
ممنوع تخرج من البيت هحاسبك انا شوف حد قدام بيت جاسر من بعيد مش عايزه يشك
حاضر يافندم ..نهض من مكانه بعدما توقفت على باب الغرفة
متاكدة إنك مخبي عليا حاجة ياجواد
بخصوص جاسر بس هسيبك ومش هسألك تاني لما أشوف اخرتها معاك ايه
زوزو الشقية بقيتي جدة ياروحي خفي عليا شوية مبقتش حمل شقاوتك ..اعتدلت تقف أمامه تمسك ياقة جاكتيه
هتفضل طول عمرك في نظري اجمل راجل وشاب في الدنيا وفشر اللي يقولك عجزت ياابوجاسر مين دا اللي عجز
حك ذقنه ينظر بساعة يديه ثم غمز لها
لسة ساعة إلا ربع على الطيارة وانا نفسي اعرف موضوع الشباب دا لسة شغال ولا لأ..ماتيجي نتأكد
قهقهت بصوت مرتفع تلكمه بصدره
هتفضل اجمل راجل في حياتي ياجواد..حاوطها
فاهمك ياغزل ..بتعملي كدا علشان شيفاني مضايق صح ياروحي
خرجت من تعانقه برماديته
جواد مخبي عليا ايه ليه بتحاول تفهمني انك كويس جواد ضغطك النهاردة وصل 180 انت فاهم دا معناه ايه
احتضن رأسها يلثم جبينها
مفيش حاجة ياست البنات هنتأخر على الطيارة غير أننا متأخرين اصلا كنت عايز اوصل قبل ميعاد الطيارة
أيوة دا اللي هيجنني معقول تسيب صهيب يدخل عمليات من غير ماتقابله إلا إذا كان هنا موضوع كبير ويخص جاسر صح ياجواد جاسر عمل حاجة كبيرة في جنى علشان كدا كان مڼهار وانت اخدته ورحت تقنعها ..عملت ايه جنى في جاسر ياجواد ولا هو اللي عمل ايه
سحب كفيها وتحرك للخارج قائلا
زوزو حبيبي هنتأخر ياله ياقلبي ولما نرجع نتكلم أكيد ..توقفت تطالعه بذهول
يعني إنت مخبي عليا حاجة
اتجه ببصره لربى وعز قائلا
أنا قولتلك لما نرجع تعالي نشوف عز بيدي ايه لروبي مخليها واقفة بالطريقة دي
عند عز وربى قبل قليل
وصلت إليه وجدته يخرج من منزله متجها إلى سيارته
عز..توقف مستديرا اليها خطت بضعف حتى وصلت أمامه
هتمشي من غير ماتودعني ..
هناك حرب ضارية بين العشق والكبرياء
ولكن في باب القلب ينتصر العشق بلا هوان أو افتراء..رغم ماشعر به إلا أن
تجلت ابتسامة جميلة على محياه
عايزة الصراحة...تعلقت عيناها بعيناه منتظرة حديثه ..فاقترب يحتوي كفيها ثم رفعهما يلثم كل واحد على حدة
كنت ناوي اجي اودعك بس خفت أضعف قدامك وترجعي تهيني ياروبي قولت اسيبك براحتك مش هضغط عليكي تاني وزي ماقولتي اللي يبيع مرة يبيع ألف مرة وأنا بقولك يابنت عمي اللي يعشق مايعرفش يبيع ..اللي يعشق ېموت علشان معشوقه وانا عاشقك يابنت عمي ولو كنت عملت حاجة أذتك فتأكدي كنت بتوجع آلاف المرات عنك
أخرج مفتاح منزله ثم فتح كفيها
لو وحشتك يبقى روحي بيتنا وادخلي اوضتنا وقتها هتحسي اني معاكي دا لو وحشتك فعلا...أما لو مفرقش معاكي المفتاح دا تديه لجنى ممكن تحب تيجي هنا واحنا مش موجودين وترجع ذكريتنا حتى لو بنظرة ..وصل جواد إليهما يوزع نظراته بينهما ثم هتف
خلاص نتحرك ولا لسة فيه كلام هتقولوه..فتح عز باب السيارة واستقلها ناظرا لربى
لا ياعمو أنا قولت كل حاجة..تحركت مغادرة ودموعها تفرش طريقها حتى أصدرت شهقة مرتفعة تهرول للداخل
رمقه جواد بنظرة مشمئزة
عملت ايه يازفت الطين انت مش الصبح كنت عامل عنترة بن شداد ..ليه دلوقتي عاملي سبع البرمبة
لكزته غزل بعدما لمحت الحزن على وجهه فرسمت ابتسامة
هترجع انت وعز لنقاركم والطيارة تفوتنا استدار جواد يطالعها برفعة حاجب
شوف ازاي وأنا الۏحش اللي كنت ناسي انحنى يهمس لها
تخليه يرجع البت من ورايا يازوزو عاملة مصلحة اجتماعية وبتقربي كل سعيد بسعيدة طيب فكري في المعدل ابنك اللي فرحان بعضلاته وعامل الحج متولي وبكرة يعمل جدول لمعجبينه همس لنفسه
اصبر لما ارجعلك بس ياجاسر وحياة امك ماانا عاتقك
دفعته لداخل السيارة
بتكلم نفسك ..اټجننت !!
دنى متهامسا
لا وحياتك بفكر ازاي مراتي خططت ونفذت من غير ماترجعيلي
هو انت محدش يعرف يخبي عليك حاجة..توقف حازم أمامه
إحنا وراك ياجواد..مليكة برضو هتيجي معايا جواد وتقى هيفضلوا هنا
اومأ جواد ثم أشار لعز
سوق يابني..استدار عز يتعمق النظر بعينيه
عمو حضرتك مخبي عليا حاجة مش غريبة تبقى عايز تعمل جولة مع بابا وتاخدوني معاكم ودلوقتي عمو حازم صمت لبرهة يراجع الأحداث ثم رفع نظره متسائلا
بابا تعبان صح..هز رأسه
كدا فهمت ليه الدنيا دي كلها ..قالها وحرك المقود يهمس لنفسه
ازاي ماما تخبي عليا حاجة زي كدا ازاي ياماما تقدري تخبي على ابنك ..ربتت غزل على كتفه
باباك كويس ياحبيبي متخفش هو هيعمل عملية بس..
كان ينظر للأمام بشرود ثم رفع هاتفه
لازم جنى تعرف مينفعش ماقولهاش
جذب جواد الهاتف من يديه وزمجر به غاضبا
متبقاش مچنون وسوق بدل ماانزلك
بمنزل حازم
كان يقوم بعمل تمارين شاقة استمع لهاتفه ..رفعه مجيبا
أيوة يافندم..على الجانب الآخر
فيه مهمة ياحضرة الظابط اتصل بابن خالك وانا مستنيكم بمكتبي
اومأ برأسه قائلا
حاضر يافندم..قام بمهاتفة جاسر لعدة مرات ولكنه لم يجيب اتجه لمرحاضه وانعم نفسه بحمام دافئ ثم تحرك متجها إلى منزل جاسر
بمنزل جاسر..فتحت عيناها بإرهاق وجدت نفسها مکبلة ظلت تطالعه لبعض الوقت .اخذت أناملها ترسم بحنو ملامح وجهه التي تعشقها أغمضت عيناها مقتربة منه تسحب عطر أنفاسه الذي يختلط برائحة تبغه
رفرفت بأهدابها تبتسم وتذكرت ماصار بينهما منذ فترة متناسية ماحكاه لقد نفر عقلها بل قلبها حديثه حبيبها لم ېطعنها بتلك الطريقة يعشقها
وتعشقه هذا مااقنعها به قلبها..انتهت بشغفها الممتع للنظر إليه بملامحه الرجولية لم يكن هناك من سلب عقلها وقلبها سواه وحده..ملهما ومهلكها..دنت تضع كرزيتها لخاصته مغمضة العينين ولكن هنا ماافزعها عندما تخيلت مافعله مع غيرها ..ابتعدت متنافرة من نفسها حرب ضارية بقلب اصابه خذلان العشق تلملم مشاعرها التي دعست بكل جبروت..هرولت للخارج متجهة لمرحاضها تبكي بمرار العلقم الذي ملأ جوفها ټضرب على صدرها لنبضها الخائڼ له..كيف تعشق من يعذبها كيف تعشق من يستباح نبض قلبها هوت تحت المياة فاقدة الحركة والاحساس..تمنت لو يذهب كل ماصار
خرجت ترتدي مأزر الحمام وجدته بالغرفة..اقترب منها يحاوط أكتافها
قومتي ليه..رفعت عيناها المتورمة من البكاء وهدرت
!! جايلي من واحدة ياترى ريحة مين فينا معلقة معاك .. هنا فاق الألم احتماله .نيران متأججة بطعم الغيرة ټحرقها بالكامل ..مما جعلها تصرخ به كالمچنونة
جايلي ليه ايه..عايز مني ايه مش كفاية ۏجع فيا كفااااااااااية..انا تعبت منك ومن الحب اللي بېخنقني كل لحظة باقي ايه معملتوش معايا خسړت كل حاجة..انا بقيت مسخ مبقاش فيا حيل..روحلها وعيش معاها وسبني كفاية بقى
كان يطالعها بجمود يعلم أنه أخطأ كثيرا بحقها ولكن قصرا وليس بيديه
اشتعلت حدقتيه كجمرات ملتهبة وهي تقوم بتحطيم كل ما يقابلها
خاېن كداب ..انا ليه بحبك ليه ملعۏن ابو الحب اللي بالشكل دا
وضعت كفيها على أذنها وأطبقت على جفنيها وتخيالاتها بحالتهما تصفع قلبها بقوة وتشعل نيران صدرها صړخت قائلة
مش عايزة اسمع حاجة ولا عايزة اشوفك
اقترب منها وحاول جذبها إلا أنها صړخت به
ابعد عني متلمسنيش انا خلاص مبقتش عايزة الحب دا..مااخدتش منه غير الۏجع مش عايزاه..هكرهك ياجاسر هكرهك وهنساك كمان ..مبقتش عايزاك حتى لو مش هطلقني مبقاش يلزمني حبك..اطلع برة
تراجع متحركا للخارج ېصفع الباب خلفه..اتجه إلى مرحاضه متوقفا أمام المرآة ينظر لنفسه للحظات ولم يشعر بنفسه وهو يقوم بتحطيم كل شيئا حتى فقد قدرته فهوى على. الأرضية
جلست لبعض الوقت ثم استمعت لطرقات على باب غرفتها
جنى..اجابتها ورسمت ابتسامة على وجهها ..اقتربت عاليا قائلة
صاحية ولا نايمة..ابتلعت آلامها ورفعت كتفها تنظر لملابسها
لا صاحية هغير هدومي وانزل..ذهب بصر عاليا لعنقها فابتعدت خجلة تردف
آسفة لو كنت جيت في وقت مش مناسب معرفش انك يعني..لم تعلم لماذا اردفت بتلك الكلمات ورغم ذلك سحبت كفيها
حبيبتي تيجي وقت ماتحبي دي اوضتي وجاس..بترت كلمتها ثم نهضت متجهة للداخل
هلبس واجيلك..تحركت عاليا للخارج
هستناكي تحت..ابدلت ملابسها بفستانا رقيق من اللون الأخضر وحجاب وضعته تلفه على عنقها اعتصر قلبها بأنين الألم وهي تتلمسه لا تعلم تبكي ام تسعد..
كتمت صړخة مصعوقة جلست بصدرها وارتدت وشاحها ثم اتجهت للخارج
خرجت عاليا من الطبخ وبيدها ثلاث أكواب من النسكافيه
نظرت جنى للذي تحمله
عاملة نسكافيه ليا وليكي ولحضرة الظابط اكيد هينزل
ابتعدت بنظرها عن عاليا قائلة
جاسر مابيشربش نسكافيه استمعت لدلوف سيارة بالخارج..اعدلت من وضعية حجابها وخرجت
ترجل جواد من
السيارة ثم قام بالتصفير
اوووه جميلة عيلة الألفي بتستقبلني بنفسها
رسمت ابتسامة واقتربت منه
عامل إيه ياجواد وعمتو وتقى وعمو حازم ..تحرك معها للداخل ثم اومأ برأسه لعاليا
ازيك أستاذة عاليا
اهلا ..قالتها وهي تنظر لجنى متسائلة
أشارت جنى عليه
دا جواد اللي كلمتك عنه امبارح هزت رأسها
جواد ابن عمتك..ابتسم قائلا
لا انا اسمي بيجي بين ستات العيلة ليه يارب يكون بالخير
اكيد طبعا بالخير ياجواد..قالها جاسر وهو متجها إليهم يرمق جنى بنظرات ڼارية
قهقه جواد يرفع كتفه بكبرياء
أنا كدا أشعر بالغرور هحتاج ايه تاني وجنى جايبة سيرتي لمرات ياسين يعني ..حمحمت جنى
اصل عاليا كانت بتسأل عن شجرة العيلة من اللوحة بتاعتي فقولتلها مش اكتر
أشار لجواد بالدخول متسائلا
ايه اللي
