قبل تنفيذ الحكم بدقائق بقلم عادل عبدالله
قبل الاعډام بدقائق
للكاتب عادل عبد الله
الحلقة الرابعة
قررت اني اواجهها هي الاول اتصلت بيها لكن اول ما سمعت صوتها ضعفت ولساني عجز انه يتكلم !!
مكنتش عايزة اشوفها قولتلها تخلي البنات عندها لأني تعبانة ومش قادرة اروح اخدهم .
وصلت البيت وقعدت وقررت اني اواجه علاء اول لما يرجع .
لكن بردو بمجرد ما دخل البيت كل ما احاول اتكلم كان لساني بحس انه عاجز ومش قادرة اتكلم ولا عارفة هقوله ايه !!!
مكنتش عارفة ارد ولا اتكلم الكلام في دماغي لكن كل ما احاول انطق لساني يتشل .
في الاخر كدبت و قولتله ان في حرامية حاولوا يخطفوني النهاردة بالعربية .
انزعج اوي وسألني وعملتي ايه قولتله الحمد لله ربنا ستر .
سألني اذا كنت عملت محضر في قسم الشرطة قولتله لأ لأني تعبانة من الصدمة .
قولتله فعلا لازم كل مچرم يأخد جزاؤه .
وبعد فترة بكاء لأحلام اثناء التسجيل الصوتي لها كملت كلامها ....
انا عايزة اي حد بيسمعني يقول كان ممكن يعمل ايه لو مكاني . المهم اني مقدرتش اواجههم فقررت اني لازم اخد بناتي وفلوسي وابعد خالص عن حياتهم القڈرة .
تاني يوم روحت الشغل وكل اللي يشوفني يسألني مالك .
اي حد يسألني مالك كنت بقول اني تعبانة الا ماجد لما سألني طلبت منه اننا نقعد نتكلم بعد الشغل .
وفعلا بعد الشغل روحت انا وماجد وقعدنا في كافيتريا .
واول ما قالي مالك في ايه انهرت من العياط .
حاول يهديني لكن فضلت كتير اعيط كنت عايزة احكيله لأني كنت حاسه من كلام اثناء سفرنا انه انسان كويس فعلا .
وبعد طول بكاء كان مصمم
انه يعرف في ايه قولتله انت لما كلمتني انك عاوزني اتطلق من جوزي ونتجوز كنت بتتكلم جد
رد وقالي ايوه طبعا انتي متعرفيش انتي ايه بالنسبالي ايه
